▲林昶佐赴鄭南榕紀念追思會發表演說。（圖／翻攝自林昶佐臉書）
政治中心／綜合報導
《自由時代週刊》創辦人鄭南榕為爭取言論自由，於1989年4月7日自焚殉道。時代力量立委林昶佐7日受邀赴鄭南榕自由之翼紀念墓園，他全程以台語發表演說，隨後也將講稿與影片PO上臉書，引來網友大力讚嘆。
[廣告] 請繼續往下閱讀.
今天是鄭南榕殉道27周年紀念日，林昶佐受邀赴紀念追思活動發表演說，他提到，台灣社會這些年來遭逢許多危機，但也因此而變得更加團結，「不只是近年來政治板塊的變動，更是整個社會，在集體意識的土壤上產生了根本的質變」。
林昶佐提到，鄭南榕的革命精神時時刻刻都提醒著台灣人，「在這世界上，存在著某些東西超越了生命本身、超越了風塵中世俗的存在，那就是信念」，這樣的信念就是自由。
然而，台灣歷史上，民進黨首次拿下國會過半，彷彿讓民主之路露出一絲曙光，但林昶佐說，這只是邁向自由的開端，還不是結成果實的時刻，「真正改革工作才正要開始」，但「Nylon並不是這一切的開始，我們也不是他的的繼承者。我們都只是這千百年的長河中，為台灣這艘船划一槳水的過客」。
未來在理想達成前，林昶佐說，要繼續抬頭挺胸朝鄭南榕預見的目標前進，身為後代的台灣人民並不是要在墓地前休息，而是要在戰場上「向前人保證，我們會繼續向前」。
[廣告] 請繼續往下閱讀..
林昶佐台語演說全文：
【今仔日咱做伙懷念一位重要的朋友】
這兩年，台灣社會發生了真大的變化，咱遭受著危機，煞嘛佇咧危機中團結，人民拍拚衝破逆境，就親像破繭新生仝款，台灣人佇咧歷史上踏出新的一步，這款的變化，不只是政治板塊的變動，閣較是規个社會的集體意識產生了根本的質變。咱這馬假若會當小可超越時空的限制，去看著歷史的空隙，去感受著一屑屑仔未來的微風，我知影，這攏是因為有前輩的犧牲佮奮鬥。
有足長的一段時間，台灣攏是一个充滿了苦難的島嶼，這是一个上美麗的所在，煞嘛是佮美麗離上遠的所在。猶毋過佇咧烏暗中，總是有人會當毋驚痛苦的折磨，放送出人性上燦爛的光芒，予台灣人袂絕望。其中，Nylon就是不時鞭策著咱台灣人的革命家，伊提醒咱，佇這个世界上，有一寡物件超過性命本身、超過風塵中世俗的存在，彼就是信念。就算咱人會過身、就算性命會幻滅，信念會留落來。信念，予人類的歷史對爸母行向序細，信念，予咱佇咧茫渺的苦海頂嘛會當看著岸邊的一葩火，信念，予咱佇咧無邊的荒埔嘛袂驚惶。
[廣告] 請繼續往下閱讀...
對Nylon(鄭南榕)來講，這个信念就是欲予每一个人，成做一个獨立尊嚴的主體，這个信念，就是自由。
自從Nylon佇咧火薰中殉道了後，廿七冬矣，如今的咱，敢自由矣？
台灣歷史上第一改，咱選出了本土價值過半的新國會，嘛閣一擺，咱準備迎接政黨輪替，繼承獨裁統治的政黨，假若嘛咧欲去予人民掃出歷史，台灣人全面擺脫束縛敢若有望。猶毋過這个時陣！煞有人民因為某一寡人認為怹「無正常」就佇咧路邊去予人掠去，嘛有人因為佇成長的過程中無合別人的期待，社會就無愛共接受。政府講伊的權力來自每一个人民，煞又閣共重重重的跤鐐銬佇咧每一个人民的身軀頂。台灣人積極佇咧國際舞台頂拍拚，煞閣佇咧國際政治中揣無空隙來發聲，咱，敢自由矣？
我是佇咧濟濟濟的台灣民主歷史的冊佮影片中熟似Nylon的。我永遠會記咧伊喝出「我是鄭南榕，我主張台灣獨立！」彼種得意、自信、小可臭屁、不可一世的風采。當初時，Nylon用這種方式來宣誓，台灣人欲做台灣的主人、做家己的主人，鼓舞偌仔濟無奈閣躊躇的靈魂。彼當時到這馬，嘛已經廿七冬過去矣，如今的台灣社會，這種的表態煞是遮爾仔自然，年輕人學著Nylon，講出我是誰、某某某，我主張台灣獨立，嘛欲做伙來推捒台灣的時代來進步向前行。兩個月前，我佇咧國會質詢的時自然來講出喙，「台灣獨立」是我長期以來的理想，了後有濟濟前輩共我講，會當佇咧國會聽著按呢的聲音，真特別，真感動。猶毋過，我相信對足濟少年人，尤其是比我閣較少年的人來講，這完全無需要特別的勇氣，這是一个追求獨立已經足自然的時代。
台獨，成做這个土地的理想，偌仔濟前輩佇咧半暝深更的時陣，佮家己來輕聲細說，袂當公開來表達，干焦會當共這个理想慢慢仔深沈佇咧心肝，佇咧血肉，佇咧骨髓，佮所有心酸摻做伙。監視、文字獄、佮祕密警察，全面共你束牢咧。莫講理想，連人民的命嘛是怹的。當初時的人民面對獨裁，干焦會當佇咧心肝中，寬寬仔、沓沓仔來守護自由的彼葩火、莫予化去，彼是一个「袂當做嘛袂當講」的年代。紲落來的幾十年，無數的前輩用肉體漸漸仔共政治的空間挵予開，彼个時陣，足濟前輩的跤步行佇咧頭前，社會上大多數的人猶無辦法接受獨立的想法，台獨「會當做煞袂當講」。到甲這馬，台灣認同已經變做社會的主流認同。毋但是政治愛實際來打造本土主體、法制健全、主權國家，嘛愛受著大眾的鞭策佮檢驗，台獨毋但是「會當做嘛會當講」，已經是會當用行動佮議論來互相檢視、協同合作的年代。
台獨運動總算已經毋是一條孤單的苦行之路。
猶毋過，咱閣較愛反省，按呢敢就有夠矣？
咱有出版、集會、結社佮言論的自由，台灣假若是一个自由的社會，這敢已經是美好的時代矣？
我閣問一改，今仔日的咱，敢自由矣？
若是Nylon猶閣活咧，伊對這馬的台灣社會敢會感覺滿意？
袂！我相信伊袂，伊一定會講，無受威權政黨控制的新國會，才拄才出世，這猶閣離收成的時刻足遠的。
台灣人，建立了新國會，真正的改革工課才拄才開始爾！
伊一定會足著急，一直咧要求咱所有的同志，一屑屑仔嘛袂當放予輕鬆。伊目睭內的光火，伊手擛起來的力量，伊迫倚過來的聲勢，攏咧共咱追究，正義有彰顯矣無？
剝削有消滅矣無？
每一个人敢有法度感受著性命的美好？
每一个人敢有法度享受著做一个人完整的尊嚴？
「若無，啊你閣咧等啥物？」
伊一定會按呢共咱追究的啦honnh！
所以，咱就愛繼續向前，繼續向前！
舊年，咱成立新的政黨，以「時代力量」來號名，嘛受著Nylon的「時代」雜誌的啟發。咱向望會當用「時代」的精神來自我勉勵，會當行佇時代的頭前，欲成做這个時代一種堅定不變的力量。
猶毋過，Nylon毋是一切的開始，咱嘛毋是伊的繼承者。咱攏是這千百年的歷史長河中，為台灣這隻船，扒一个仔水的過客。這塊土地上承擔偌仔濟人的夢佮性命，對日本時代爭取人民自治、台灣議會，到戰後黨外爭取自由民主、台灣獨立。無數人的身影一个仔一个仔疊起來，性命燦爛又閣消失，總算是交織了如今擺脫黨國控制、真正代表人民的國會。百年來的追求，如今就佇咧咱每一擺喘氣的空氣中、每一粒天頂落落來的雨水內、每一逝迵過風雲的光線內。過去所有的烏暗、痛苦佮血汗，如今攏變做咱徛起的地基，晟養著新的性命來大漢。
理想猶未達成，咱行過Nylon的身軀，繼續攑頭行向Nylon早就看著的目標。Nylon一代人為台灣人民衝破民主自由的空縫，咱這代人又閣欲留予下一代啥物？咱的形影敢會佮Nylon仝款遐爾仔挺？遐爾仔有骨氣？這我毋知，我干焦知影，咱佇咧遮，毋是來佇咧墓地歇睏，是猶閣佇咧戰場頂，向前輩來保證，咱會繼續向前。
有一工，咱的靈魂嘛會離開，咱的身軀嘛會爛，下一代會繼續活佇咧這个美麗的島嶼。我向望彼个時陣，咱的囝孫會當享受著比我想會到的美好社會、閣較美好，彼，是Nylon所講的「好國好民」的時代。向望彼个時陣，微微仔的風聲，就是Nylon的笑聲，嘛是咱所有的人的笑聲。
►►更多政治影音、報導，請鎖定【ETtoday筋斗雲】粉絲團！